Azkoitia-Uranga bikoteak osatu zuten kadete mailako bikotea, eta joanekoan bezala 22-3 gailendu zitzaizkien asteasuarrei. Jubenil mailan 22-8 irabazi zuen Cuevas-Azkoitia bikoteak. Senior mailan, azkenik, 9-22 galdu zuten Unanuek eta Zendoiak. Orokorrean Azkoitia 4-2 nagusitu da Asteasuren aurrean.
Datorren asteburuan final laurdenetan sartuko da Herriarteko txapelketa. Azkoitiarrek Azpeitia-Tolosa kanporaketan aurrera egiten duen herria izango dute arerio. Joaneko partidetan azpeitiarrek 3-0 irabazi zuten tolosarren aurka, eta litekeena da datorren asteburuan Azpeitia eta Azkoitia elkarren aurka aritzea. Joaneko partidak Azpeitian, Frontoi Txikin jokatuko dira.
