“Proiektuaren helburua Afrikako hainbat herrialdetako biztanleei oinarrizko beharrak asetzen laguntzea da, batez ere, haurrei, emakumeei eta behar bereziak dituztenei. Helburu hori lortzeko elkartearen lehentasuna bertako baliabide eta materialak erabiltzea da. Modu horretan bertako ekonomia sustatzea lor daiteke, komunitate osoaren mesederako”, diote antolatzaileek. “Gure erronka –gaineratu dute- aurrekonturik gabe pertsona horientzat ahalik eta laguntza gehien lortzea da”.
Helduen sarrerak 5 euroan egongo dira salgai eta haurrenak, 4 euroan. Sarrerak ikuskizun aurretik eskuratu ahalko dira leihatilan bertan.
