Goizeko 05:40ean iritsiko da Korrika Azkoitira. Txiki Golf parean hartuko dute Udaleko ordezkariek Azpeititik etorriko den lekukoa, eta San Jose Egoitzako kideek Azkarateko mendatean elgoibartarrei pasako diete lekukoa.
Guztira herriko 21 eragilek eta taldek erosi zuten kilometroa, eta Maxixatzenek herriari dagozkion 13 kilometroak Korrikako furgoneta barruan egingo ditu, ondoren argazki bilduma zabal bat osatzeko asmoarekin.