Xabier Sagarzazu txapelketaren azken edizioa jokatu dute Azkoitiko eta Azpeitiko gaztetxoek, Floreagako Guraso Elkarteak eta familiak hala erabaki ostean. Azpeitiko Iraurgi Ikastetxea izan da txapelduna nesketan Floreagari irabazita, eta mutiletan Azkoitiko Xabier Munibe Ikastolak jaso du txapeldunaren garaikurra Karmelo Etxegarai Ikastolari irabazita.
Sari banaketa egin ostean, omenaldia egin zaie familiako kideei. Aurreskua eskaini diete lehenik, eta ondoren Realeko jokalari ohiek Sagarzazu izena zeraman kamiseta oparitu diote familiako kideei. Amaieran etxekoek eskerrak eman dizkiete guztiei, bereziki 30 urtetan txapelketa antolatzen jardun dutenei.
