Aurten, gainera, erosketak egiten dituzten bezeroen artean pintxoa doan eskuratzeko tiketak banatuko dituzte, horiek agortu arte. Taberna hauetan trukatu ahal izango dira tiketak: Zurt, Latz, Ttakun, Orbela, Koxka, Errexil eta Etxeaitz.
Outleta ordutegi honetan zabalduko dute otsailaren 18an eta 19an: zapatuan, goizez, 10:00etatik 14:00etara egongo da zabalik, eta, arratsaldez, 16:00etatik 20:00etara. Igandean, berriz, goizez bakarrik zabalduko dute, 10:00etatik 14:00etara.
Bestalde, ateri egiten badu umeentzako puzgarriak ere egongo dira Elkarguneko atarian. Eta aurten ere haurrentzako zaintza zerbitzua eskainiko dute ordutegi honetan: zapatuan 10:00etatik 13:00etara eta 17:00etatik 20:00etara, eta igandean 10:00etatik 13:00etara.
