Udalak euskararen erabilera saritzeko xedez diploma bana eman die gidabaimena euskaraz atera dutenei. 2009an argitaratu zen estrainekoz gidabaimena euskaraz ateratzeko beharrezkoa den materiala, eta behin materiala esku artean izanda, Etxaniz autoeskolak, Udalaren laguntzarekin, eskaintza berria martxan jartzea erabaki zuen.
Aizpuruk euskarazko azterketekin arazoak dituztela azaldu du, itzulpenak ez daudelako "ondo eginda beti". Horrek zenbait ikasle "baldintzatzen" dituela gaineratu du azterketaren hizkuntza aukeratzerakoan. Eta aurten "joera gehiago" izan zela azpimarratu du aukeraketa egiterakoan arazo horrengatik.
Diploma banaketaz gain, Herrixen dendarien elkarteak sei bale zozkatu ditu ikasleen artean, herriko dendetan gastatzeko. Hona hemen sarituak:
