Sarek deitutako manifestazioa, abenduaren 31n

Aurten ere, abenduak 31rako manifestazioa antolatu du Azkoitiko Sarek. Plazatik abiatuko dira, 18:30ean, Euskal Presoak Euskal Herrira! Giza Eskubideak Konponbidea Bakea lelopean. Sentsibilitate eta ideologia ezberdineko pertsonak gonbidatu dituzte manifestazioan parte hartzera. Besteak beste: Itziar Elias aktorea, Imuntzo trikitilaria, Traki preso ohia, Arantxa Zubizarreta Xabier Munibe ikastolako zuzendaria eta Josu Godoy anaitasuna futbol taldeko jokalaria, beste hainbat gazteren, langileren eta gurasoen artean.