Ehunka ikasle, euskararen alde

Joan den zapatuan, abenduaren 3an, Euskararen Nazioarteko Eguna izan zela-eta, herriko ikastetxeetako ikasleek egun hori ospatu nahi izan dute gaur eguerdian. Ixabel Jauregik eta Mailu Irizarrek gidatutako ekitaldian, Floreaga eta Xabier Munibe ikastetxeetako ikasleek bertsoak abestu dituzte lehendabizi, eta, ondoren, Javier Zubizarreta alkateak hartu du hitza, udaletxeko balkoitik.