Ingurumen sailak antolatutako lehiaketan bi sari irabazi dituzte Floreagako ikasleek

Jose Ignacio Asensio Gipuzkoako Foru Aldundiko Ingurumen diputatua Floreaga ikastetxean izan da gaur goizean, ikastetxeko ikasleei sariak banatzen. Izan ere, Honkakinen Prebentziorako Lehiaketara Floreagako ia 70 ikasle aurkeztu ziren, eta bi sari lortu dituzte. Aurten, "Nola ekoitzi plastiko gutxiago" ideiaren inguruan aurkeztu behar zituzten lanak. Alde batetik, 6 eta 8 urte arteko ikasleen artean, Maria Juaristiren marrazkia saritu dute, eta beste aldetik, 12 eta 16 urte arteko ikasleen artean, bideo onenaren saria jaso dute Nahia Arrizabalagak, Alazne Sudupek eta Irati Lizarraldek.