Leku askotatik etortzen dira turistak: Lantaronetik, Gasteiztik, Burgosetik eta Bilbotik, eta abar. "Geroz eta turista gehiago datoz Azkoitia ezagutzera", dio Mendizabalek. Herriko historia modu erraz eta jostagarrian kontatzea da haren asmoa, eta horretarako, hiru eskaintza ditu Ondarez zerbitzuak: txikia, ertaina eta handia. Txikiak 125 euro balio du, eta herriko toki bat ezagutzeko. Ertaina 150 eurokoa da, eta goiz oso batean leku bat baino gehiago ezagutu daitezke. Handia, berriz, 200 euro ordaindu behar da, eta egun osoko bisita eskaintzen da. Honako leku hauek bisitatzen dituzte: Intsausti jauregiko Antonio Oteiza Fundazioaren erakusketa, herriko plaza, parrokia, Oteiza frontoiak, Joseba jatetxea, alderdi zaharra, Loiola eta abar.