Giro bikaina Elosuko ferian

Urtero bezala, gaur, urriak 12, Elosuko ganadu feria izan da. Goizean ateri eutsi dio, eta jende ugari igo da Elosuko giroaz gozatzera. 1979an egin zen aurreneko aldiz feria, eta ordutik ohitura bihurtu da bergarar eta azkoitiar askorentzat, batez ere, Elosura joatea. Ohi bezala, ganadua, trikitilariak eta bertsolariak izan dira gaurko protagonistak.