Azkoitian 165 motxila jaso dituzte Greziako kanpamenduetako haurrei bidaltzeko

Maxixatzen.eus 2016ko ira. 22a, 18:47
Deskargatu Info Ahotsak :

Pozik hartzen dituzte motxilak kanpamendueako haurrek. (Dandelion)
Azkoitian 165 motxila jaso dituzte guztira Greziako kanpamenduetan dauden haurrei bidaltzeko. Motxilak LATZ tabernan eta ELURRE kafetegian utzi dituzte azken asteetan hainbat herritarrek, eta ekimenak oso harrera ona izan duela azpimarratu dute antolatzaileek. Azkoitiko motxila guztiak Oñatira eraman dituzte, eta han Oñatiko HOTZ sareak Bartzelonara bidaltzeko prestatu ditu. Ondoren, handik Greziara helduko dira itsasoz eta Dandelion elkartekoak arduratuko dira Greziako kanpamenduetan banaketa egiteaz.

 

Azkoitio HOTZ sareak eskerrak eman nahi dizkie parte hartu duten Azkoitiar guztiei, baita Latz tabernari eta Elurre kafetegiari ere. Azken hau, haurrentzako motxila bilketa, hirugarren kanpaina izan da; lehenengoan mantak eta kanpin dendak eskatu ziren eta bigarrengoan puntepaxak. Hiru deialdiek izan duten arrakasta ikusita, ez dute baztertzen aurrerantzean ere beste herri batzuekin elkarlanean aritzea eta hainbat kanpaina burutzea. 

 

 

 

Gizartea Azkoitia

Azkoitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide