Pasa den zapatuan Mangaixue bizikletako mendi martxa izan zen aurreneko aldiz Azkoitian. Guztira 198 gizonezkok eta emakumezko batek parte hartu zuten, eta 188 lagunek lortu zuten proba amaitzea. Eguraldi txarrak proba zertxobait zaildu bazuen ere, antolatzaileak eta parte hartzaileak oso gustura gelditu dira, eta oso balorazio positiboa egin dute. Gainera, gutxienez beste urte batez antolatzeko asmoa ere badute.