Igandean, San Agustin egunez, meza ostean herri kirolak izan ziren frontoian. Saio bikainak ikusi ahal izan ziren, eta Iker Zubeldia eta Iban Urdangarin bertsolariak bertan izan ziren giroa alaitzen. Ondoren, Itziar Jatetxean bertso bazkaria izan zen, Gorka Azkarate gai-jartzailearen laguntzaz. Festak amaitzeko, berriz, hainbat trikitilari bertaratu ziren.