Gogoeta mamitsu batzuk ere plazaratu ditu, sortu den eztabaidaren harira: "zalaparta gehiegi" sortu dela iruditu zaio. Kezka agertu du, bere iritzian, egun, gazteak ez daudelako "prestatuta zailtasunei aurre egiteko". Zailtasunei aurre egiteko gaitasuna gutxiegi lantzen ote den esan du. Hau da, zailtasunak parean jartzen zaizkienean, "gazteek ba al dute horiei aurre egiteko errekurtsorik?", galdetu du. Onartu du Matematikako azterketan jasotako formulazioak "ezohikoak" zirela eta eredu jakinetatik urruntzen zirela, baina gaia menperatuta zuenak, hau da, matrizak egiten zekienak, azterketa ondo egin zezakeela zehaztu du.