Ikuspegik herritarren artean hainbat elkarrizketa eta inkesta egingo ditu, eta horretarako herritarren kolaborazio eskatzen dute. Behin txostena bukatuta, lan ildoen proposamena aurkeztuko dio behatokiak Udalari.
Morenok dio aurretik egindako immigrazio planen kezka nagusia harrera izaten zela, eta orain, aldiz, integrazioa eta elkarbizitza plan bat egitea. "Elkarbizitza hobeagoa lortzeko, proiektu xumea, baina bideragarria jorratuko dugu. Azkoitiak dituen arazo, behar eta erronka nagusiak detektatuko ditugu, eta hortik abiatuta hainbat jarduera eta ekintza antolatuko ditugu", azaldu du Morenok.