Ohiko moduan, korrikalariek lehendabizi 10 km-ko ibilbidea egin beharko dute lasterka herriguneko zirkuitu batean, guztira, 3,3 km-ko zirkuituari hiru bira emango dizkiote. Ondoren, 34 km egin beharko dituzte bizikletan, Zumarragara joan etorria eginez. Azkenik 4,5 km-ko ibilbidea egin beharko dute herriguneko zirkuituari bi bira emanez.
Bestalde, boxes gunea herriko plazan egongo da kokatuta, eta 09:30etik 10:15era egongo da zabalik, lasterketerako beharrezko materiala prestatzeko. Dorsala jasotzeko, berriz, herriko plazara bertaratu beharko dute parte hartzaileek, 08:15etik 9:45era.
Dj Xabifestek alaituko ditu herriko kaleak igande goiz osoan zehar.