Roy Loney beteranoak eszenatokia partekatuko du Señor No taldearekin Elkargunean. Antolatzaileen esanetan, “Donostiako mutilek The Flamin’ Groovies taldearen rock-and-roll klasikoak joko dituzte, Loneyren gidaritzapean. Izan ere, zer hobe zale porrokatu batzuk baino erabateko sinesgarritasuna islatzen jarraitzen duen 60 urtetik gorako mito bati laguntzeko?”. Hitzordua apirilaren 22an Elkargunean izango da, 22:00etan. Sarrerak kontzertu aurretik Elkarguneko sarreran eskuratu ahalko dira, 7 euroan.
Bestalde, hasierako gonbidatu gisa Los Bracco taldeak joko du. 2013an Donostiako Gros auzoan sortua, “abesti dantzagarri, zuzen eta gogoratzeko errazak jotzen ditu”. “Bendita esquizofrenia”, bere lehenengo lanaren aurkezpenean murgilduta dabil taldea.
Emanaldia Gaztemaniak programaren baitan sartzen da, Foru Aldundiak eta Gipuzkoako udalek elkarlanean gauzatzen duten egitasmoaren baitan, alegia.
