Taldean, guztira, bederatzi azkoitiar, hemeretzi azpeitiar, zestoar bat, bi errezildar eta bergararar bat daude.
Bergarakoa Arrasateko Antxintxika Triatloi Taldean zegoen aurten arte, baina Azkoitira etorri berri da bizitzera, eta, horregatik, Azkoitiko triatloi taldera batu da.
Taldean emakumezko bakarra dago: Maider Oteiza. Zumaiako Triatloi Taldean eta Bilbaotri Triatloi taldean ibili ondoren, aurten Azkoitri taldean sartu da. Gainera, Oteizak datorren uztaileko Gasteizko Iron Man distantziko triatloian (3,8 igeri - 180 bizikleta eta 42,1 korrika) parte hartu nahi du.
Taldekide ia guztiek triatloietan parte hartzen dute bereziki, eta, batez ere, Euskal Herriko txapelketetan.
Bestalde, Azkoitri Triatloi taldean parte hartzeko urteko edozein sasoitan izena eman daiteke. Federatzea 77 euro ordaindu behar izaten da eta beste 20 euro taldeko kuota. Behin taldean izena emanda kirol arropan deskontuak izaten diztuzte, eta apirilaren 17ko Azkoitiko Duatloian lagundu behar izaten dute, besteak beste.