Ainhoa Garmendiak azaldu du jokatutako azken partidan "aurkariek erraz" irabazi zutela, eta beraiek 12an geratu zirela, baina orain "beste itxura bat" eman eta "partida ona jokatu" nahi dutela. Garazi Eizmendik, berriz, biharko lehia "ligaxkakoa baino askoz orekatuagoa" izango dela esan du.
Finalerdietan, Garmendia-Saez bikoteak 21-25eko emaitzarekin irabazi zion Pradera eta Ruiz de Larramendi bikoteari. Eta Martín-Eizmendi bikotea, berriz, 14-25 nagusitu zen Irazustabarrena-Etxaniz bikotearen aurka.
Jaialdiko aurreneko neurketa izango da Euskal Herriko Lehen Mailako Irekikoa, eta bertan Ibañez-Ruiz de Azua bikotea, Murillo-Lasa bikotearen aurka lehiatuko da, finalerdietan Murga Martín eta Zubeldia-Murua bikoteak kanporatu ondoren.
