Material hauek ipini dituzte areto nagusian: bozgorailuak, proiektorea, eskenatokia, fokoak, argien mahaiak, pantaila erraldoia, teloi elektrikoa, audio mahaia, mikrofonia eta monitoreak, besteak beste. Areto horrek, ordea, hainbat erabilera izaten ditu eta jende asko joaten da (Musikaguneko haurrak ikastera eta musulmanak errezatzera, esaterako). Horregatik, gailu elektroniko horiek gordetzeko armairu handi bat jarriko dute laister.
Gutxieneko zerbitzu tekniko horiekin, aretoak erabilera anitza izatea nahi dute. Honako ekitaldi hauek egin daitezke aurrerantzean: kontzertuak, hitzaldiak, antzerkiak, jaialdiak, prentsaurrekoak, proiekzioak eta aurkezpenak, esaterako.
Irabazi asmorik gabeko Azkoitiko elkarteen ekitaldiak gutxieneko zerbitzu teknikoa doan erabili ahal izango dute, beti ere, tekniko baten laguntzarekin.
