Zaballako kartzelan dago Gasteizen 17 hilabeteko haurra hiltzea eta haren amari eraso egitea egotzi dioten gizonezkoa. Umeari autopsia egin zain daude orain, haurrak sexu erasorik jasan zuen jakiteko; emaitzen arabera erabakiko du epaileak atxilotuari sexu abusu delitua egotzi edo ez.
Udalaren gaitsezpena
Azkoitiko Udalak Alicia haurraren hilketa eta amak jasandako erasoa gaitzetsi ditu. Genero indarkeriarengatik Gasteizen Alicia txikiaren hilketa eragin eta bere ama erietxera eraman duen eraso basatia gaitzetsi du Azkoitiko Udalak.
Halaber, biktimen senitarteko eta adiskideei elkartasuna adierazi nahi izan die.
Aurten Euskadin genero indarkeriaren ondorioz gertaturiko lehen hilketa da Gasteizkoa eta Udalak jazoera hau gaitzesteko antolatzen diren kontzentrazioetan parte hartzera deitzen ditu herritarrak.