Peru eta Mari izena jarri diote suaren ondoan eserita dauden bi protagonistei. Izan ere, ikasleei istorioak kontatzeko baliatzen dute lekua, eta, orain, beheko suaren epelean haurrei ipuinak kotatzen dizkiete, baserri mundukoak edo Gabonei buruzkoak.
Materiala bilatzen, eraikitzen baino denbora gehiago pasatu dutela aitortu dute irakasleek. Izan ere, urteetan ganbaran gordeta zuten materialarekin osatu behar izan dute, eta, baita, Agina baserrikoek emandako hainbat tresnei esker ere.
"Beheko sua oso harrera ona izaten ari da, haurrei asko gustatu zaie eta baita gurasoei ere. Batzuk eskuak berotzeko ere erabili dute, suak sortzen duen efektuagatik", adierazi dute barrez irakasleek.
