Urola Gustagarri, bertakoa balorean jarriz sorturiko aisialdi eta turismorako eskaintza da, eta urtean zehar saio desberdinak antolatzen dira. Oraingoan, bertako produktuen kontsumoa bultzatu nahi du, "elikagai freskoak, zapore eta usain onekoak direlako", gure paisaia eta ingurunea "mantentzen laguntzen duelako" eta "bertako ekonomia sustatzen laguntzen duelako".
Ekimenean bederatzi jatetxek hartuko dute parte, Azkoitikoan bik: Joseba Jatetxeak eta Lajak. Bertako eta garaiko produktuak osagai nagusitzat dituzten plater bana eta haien errezeta aurkeztu dute jatetxeek. Datozen hiru hilabeteetan, plater hauek dastatzeko aukera izango da jatetxe horietan. Gainera, produktu horiek non erosi jakiteko, argitaraturiko eskuorrian QR sarbidea agertzen da.
Halaber, bisita gidatuak antolatu dira baserri eta ustiategietara, bertako bizimodua, lan egiteko modua, produktuak eta abar, ezagutzera emateko. Hona emen eskuliburua, informazio osatuarekin.
