Duela bost urte sortu zen talde azkoitiar-azpeitiarra, eta ostiralean aurkeztuko dutena beraien hirugarren lana izango da, taldearen izen bera izango duena. Aurretik beste bi lan argitaratu zituzten, Jaiotzen ari dira gure oroitzapenak (2010) eta nora? (2013) izenburupean.
Beraien bandcamp atarian jada entzungai, kritika onak ari da jasotzen taldearen azken lana. Ihintza Orbegozo Berriako kazetariaren hitzetan: "hitz zuzen nahiz sakonak aurkitu daitezke; ia ordu erdiko kaña, riff eta errepika gogoraerrazez, eta oihuz zein ahots melodikoagoez beteta". Diska osatzen duten sei lanen artean, Inpotentzia eta Iragana abesti "gogorrez" gain, Zeu izenekoaren "kutsu progresiboa" azpimarratu nahi izan ditu kazetariak.
Aurreko bi lanetatik hartutako Kasik abestiak era ezin hobean borobiltzen du diska hau, azken bost urtetan egindako ibilbidea lau minututan laburbilduz. Orbegozoren kritikari beste behin keinu eginez: "Egurrik nahi ez duenak ez diezaiola play botoiari eman!"