Honako egitarau hau antolatu dute ekainaren 13rako. 12:00etan, Azkoitiko pilotari guztiak bilduko dira Balda plazan. Jarraian, kalejiran azkoitiko kaleetan zehar ibiliko dira, dultzaineroen laguntzaz. Ondoren, argazkia aterako dute egungo eta lehengo pilotari guztiek batera, eta segidan omenaldia egingo diete neska txapeldunei.
13:00etan, pilota partida jokatuko dute Saralegi eta Kokak, Goenaga eta Andreuren aurka. 14:00etan, txapelketari hasiera emango diote, herriko pilotari guztien parte hartzearekin.
18:30ean, beste partida bat jokatuko dute herriko afizionatu izandako herriko lau pilotarik: Etxaniz eta Egurrola, Etxetxo eta Kaxkaren aurka izango dira.
19:30ean, txapelketari jarraipena emango diote, herriko pilotari guztien parte hartzearekin, eta 21:30ean, afaltzera joango dira pilotalekuan bildutako pilotari guztiak. Afaria Ikurriñaren plazan izango da, txotxarekin.
00:30ean, txapelketarekin jarraituko dute, eta azkenik, 6:00etan txokolatada eta "kaleazka" partida herrikoia jokatuko dute.
Kamisetak eta afarirako txartelak bost eurotan salgai jarriko dituzte hurrengo zapatuan, txosnan.
