Dantzari Txiki Eguna izango da igandean

Bizkargi musika eskolako, Floreaga ikastetxeko eta Xabier Munibe ikastolako dantza taldeek parte hartuko dute igandeko Dantzari txiki egunean. Dantzariak Julio Urkijo etorbidean elkartuko dira txistulari eta trikitilariekin 11:00etan, eta ondoren, Herriko plazara joango dira kalejiran. Bertan, hamaiketakoa egin eta Zazpi Jauzia dantzatuko dute 11:45ean. Dantzari txiki egunari amaiera emateko, 13:15ean berriz Plazan elkartuko dira eta hainbat dantza eskainiko dituzte.