Nortasuna eraikitzeko erabili beharreko zutaberik garrantzitsuena autoestimua dela ikusi da. Autoestimu handia izateak onura asko dakartza, besteak beste, osasun fisiko eta psikologikoa, segurtasuna, nork bere baliabideetan konfiantza izatea, baikortasuna, e.a. Tailerrean kontzeptu zabalago batetik hasiko dira autoestimua lantzen, ahalduntzearen ideia hobeto ulertzeko: garatze eta finkatze prozesua, autonomia eta autogestiorako gaitasuna, nork bere bizitzaren ardura hartzea eta bizitzaren protagonistak garela sentitzea.
Adin guztietako emakumeei zuzenduta daude ikastaroak, eta genero ikuspegiaren eta berdintasunaren arloko Pepa Bojo adituak eskainiko ditu saioak. Ikastaroen prezioa 24 eurokoa da langileentzat eta 16 eurokoa langabetuentzat. Izena udaletxeko Berdintasun sailean eman behar da.