Gaztainondoei buruzko ikastaro praktikoa antolatu du Udaleko ingurumen sailak, herriko basoak berreskuratuz kudeatzeko helburuarekin.
Martxoaren 7an izango da ikastaroa Laja jatetxean, 09:00etatik 17:00etara. Gaur, martxoak 2, izango da izena emateko azken aukera 607 885 609 zenbakira deituta.
Ikastaroa doan izango bada ere, bazkaria bakoitzak ordaindu beharko du (12-15 euro inguru). Bestalde, beharrezkoa izango da txertaketarako labana izatea.
Gaztainondoak berreskuratzea sustatuz, gure lur sailei errentagarritasuna emateko teknikak azalduko dira, eta gai hauek landuko dira teorian eta praktikan: txertoak, izurrien kontrola, txankroen garbiketa, ugaritzea, etorkizuneko aukerak...