KOADERNO BERDEKO POSTALAK-43
Urrestilla, 2014ko abenduaren 25a
Pozgarri zaizkit Eguberriak
ez jakin zergatik
beharbada izango da
lehen arnasarekin batera
kantuan egin zidatelako
eta gure etxean Gabonak ere
abestuz arnastu ditugulako
agian izango da
sei urte nituenetik
herriko koruan nabilelako
eta Gabon mezetako kantuekin
bereziki gozatzen dudalako
izan liteke Gabonak gustatzea
Urrestillako Gabon eskean
umeen taldetik helduen taldera
pasatzeko errito iniziatikoa
on samarrik gainditu nuelako
ez ote da izango
maite dudan zanbait jende
denboraren orratzik gabeko
Eguberri garaian zehar
ezagutu izan dudalako
Horiek guztiak
nahikoa motibo badira igoal
arnasa sakon hartuz
kantuan segitzeko
zeinek jakin zergatik
Aitor Arruti Rezabal