Danon Herrixe Euskara eta Azkoitia ekimenaren baitan, abian da Azkoitiko euskararen politika herritarrekin adosteko parte hartze prozesua, eta bilera izango da gaur, azaroak 13, Elkargunean 18:30ean.
Euskara plan berria egiteko jasotako proposamen hauen ingurukoak erabakiko dira bertan:
- Udalarekin harremanak gazteleraz nahi duten herritarren udal errolda egitea.
- Azkoitia Lantzen-en euskara plana abiaraztea Iraurgi Lantzen-en dagoena eredu gisa hartuta.
- Tabernetan euskal musika jartzea sustatzea, adibidez, euskal musikaren eguna antolatuz tabernarien elkartearekin.
- Musika bandako kontzertuetan euskal musika eta kantuak sustatzea.
- Euskazko funtzionamendua bermatzea herriko kirol, kultur eta aisialdi taldeetan.
- Liburutegian euskarazko liburuak erosteko irizpideak zehaztea.
- Musika eskola Elkargunera doanean, Gaztanenean Azkoitiko AEK euskaltegia kokatzea.
- Soziolinguistikoki herritarrak jantzi.
- Herri komunikabidea, herritik eta herritarrek sortua, egitea Udalaren babesarekin: atari digitala eta paperezko euskarria.
- Euskalduntze eta alfabetatze ikastaroak doan herritarrentzat.
- Euskara harrera ikastaroak atzerritarrentzat.
- Anbulatorioan eta komisarian neurriak bultzatu euskaren erabilera areagotzeko.
- Hitanoaren erabilera bultzatzeko ikastaroak eskaini.
- Euskal produktuen kontsumoa sustatzea.
- Lan munduan euskararen erabilera sustatzea.
- Azkoitiko lexikoa jaso, ezagutarazi eta hedatzea.
- Trebatzailea kontratatzea udal espedienteen kalitatea hobetu, estandarizatu eta langileak formatzeko.
- 2018an euskararen kale-neurketa egitea.
- Udala UEMAn, Udalerri Euskaldunen Mankomunitatean, sartzea.