Emakumeenganako Indarkeria Matxistaren Aurkako Eguna izango da azaroaren 25ean, eta hainbat ekintza antolatu ditu Udaleko Berdintasun sailak hil honetan zehar, gaur hasita.
-TERTULIA LILA gaur Zaida Fernandezekin Elkargunean, 18:00etatik 20:00etara. Indarkeria matxistari buruz eztabaidatuko dute, erasoak identifikatu, kontzientzia hartu, mitoak aztertu... Tertulia girotzeko kafea eta pastak izango dira.
-TXAPA TAILERRA azaroaren 14an Lore Etxeberria eta Kattalin Minerrekin Elkargunean 16:00etatik 20:00etara. Tailer honen helburua da parte hartzaileek emakume eta feminismoaren inguruan hausnartzea, txapak egiten ikasten duten bitartean.
-AUTODEFENTSA IKASTAROA Alaitz Mañesekin azaroaren 18, 19 eta 26an eta abenduaren 3an, Elkargunean 17:00etatik 20:00etara. Ikastaro honetan emakumeek jasaten duten indarkeria matxista detektatzen ikasiko dute, horri aurre egiteko hainbat teknikarekin batera.
-ZINE EMANALDIA Zinetogramek eta Emakumeen Mahaiak antolatuta azaroaren 21ean, 22:00etan, Baztartxo antzokian.
-MAHAI – INGURUA: “Gazteak eta indarkeria matxista. Zertan ari gara? Nola egin aurre?” Azaroaren 24an, 19:00etan, Azpeitiko Sanagustin Kulturgunean. Hizlariak: Josebe Iturriotz, Susana Manzanedo (Sortzen Aholkularitza) eta Haizea Egiguren eta Axier Baglietto (Arremanitz koop). Moderatzailea: Lorea Aizpurua. Antolatzailea: Azkoitiko eta Azpeitiko Hezkidetza Foroa.
-ELKARRETARATZEA Emakumeen Mahaiak antolatuta azaroaren 25ean, 19:00etan, Herriko Plazan.
Ikastaro guztiak dohainik izango dira eta haurtzaindegi zerbitzua eskainiko da, behar izanez gero.
Informazio gehiago: www.azkoitikoudala.info/eu/berdintasuna edo berdintasun bulegoan: (09:00-14:00) Udaletxeko 1. solairuan.
berdintasuna@azkoitia.net // 943.85.71.74