Orain dela hiru hilabete jarri zen abian Azkoitian hondakinak biltzeko sistema berria, eta Udalak eta Urola Erdiko Mankomunitateak atzo jakinarazitako emaitzen arabera, dagoeneko gutxienez %70 birziklatzeko helburua gainditu egin dute azkoitiarrek %74,42ko tasarekin.
Emaitza onei esker zaborraren tasa %15 jaistea proposatuko duela baieztatu du Urrategi Alberdi alkateak, eta Udalak eta Mankomunitateak zorionak eta eskerrak eman dizkiete herritarrei, emaitzak hobetzen jarraitzeko konpromisoarekin.