EDWARD ESTLIN CUMMINGS
Laztan dezaket erran zuen hark
(Oihu egingo dut esan zuen berak
Behin bakarrik erran zuen hark)
Dibertigarria da esan zuen berak
(Uki dezaket erran zuen hark
Zenbat esan zuen berak
Asko erran zuen hark)
Zergatik ez esan zuen berak
(Goazen erran zuen hark
Ez urrunegi esan zuen berak
Zer da urrunegi erran zuen hark
Zu zaudena esan zuen berak)
Gera naiteke erran zuen hark
(Nola esan zuen berak
Honela erran zuen hark
Musukatzekotan esan zuen berak
Mugi naiteke erran zuen hark
Maitasuna da esan zuen berak)
Desiratzen baduzu erran zuen hark
(baina hilzorian zara esan zuen berak
Baina bizitza da erran zuen hark
Baina zure emaztea esan zuen berak
Orain erran zuen hark)
Ai esan zuen berak
(Bikain erran zuen hark
Ez gelditu esan zuen berak
Oh ez erran zuen hark)
Poliki joan esan zuen berak
(Isurtzen al zara erran zuen hark
Ummm esan zuen berak)
Ederra zara erran zuen hark
Nirea zara esan zuen berak)
E.e. cummings (1894-1962)