Gipuzkoako Foru Aldundiak abian jarritako Partaidetzazko Aurrekontuak 2014 ekimenaren azken txanpan sartuta, Bidasoaldeko, Oarsoaldeko, Tolosaldeko eta Urola Erdiko herritarrek hilabeteotan egin duten lan handiaren fruitua ikusteko garaia iritsi da.
Martxoan eta apirilean, guztira 930 ekarpen egin ziren lau eskualdeetan, horietatik 83 hobetsi ziren ekainean, 300 lagun baino gehiagoren artean.
Azken bi hilabeteotan, Foru Aldundiko teknikariek proiektu horiek juridikoki bideragarriak diren eta zenbateko kostua izango duten aztertu dute.
Txosten horien emaitzak kontuan hartuta, orain da behin betiko proiektuak aukeratzeko garaia, eskualde bakoitzari dagozkion 500.000 euroak zertan gastatuko diren erabakitzeko garaia.
Horretarako, eskualde bakoitzean bi batzar ireki egingo dira eta Aldundiak parte hartzera animatu nahi zaituzte.
| ESKUALDEA | EGUNA | ORDUA | LEKUA |
| Urola Erdia | Irailak 23 | 19:00etan | Azkoitiko Elkargunean |
| Irailak 30 | 19:00etan | Azpeitiko udaletxean (5.solairuan) |