Joan den astean aurkeztu zuten ‘Bazterrak Marrazten’ liburua Donostiako Koldo Mitxelena Kulturunean, eta Tabakalerak asmatutako Scanner Ibiltaria deituriko proiektuaren baitako lana da.
Udane Juaristi, Ricardo Azkargorta, Dei Gaztelumendi, Josu Maroto eta Julen Ribas artistek arratsalde batean egindako 29 marrazkien bilduma da, liburu bat sortzeko fase guztiak jasotzen dituena, eta Imanol Tapiak editatu eta maketatu du.
Garazi Lopez de Etxezarreta Gipuzkoako Foru Aldundiko kultura zuzendariak aurkezpenean esandakoaren arabera, “edizio mugatua izanik, bertsio digital bat egitea erabaki dugu, ekimen honek oihartzun sozial zabalago bat izan dezan. ‘Bazterrak Marrazten’-en ekimenak Gipuzkoako Foru Aldundiak komikigintza indartzeko egiten ari den lanaren apustua indartzen du”.