KOADERNO BERDEKO POSTALAK-26
Mundua orratzaren begian erakusketarako testua
biluz nazazu erabat
eta gezurti bat aurkituko duzu
erantz ezazu gezurti bat
eta ahuldadea topatuko duzu
soil ezazu ahuldadea
eta egiazkoa dena kausituko duzu
biluz ezazu benetakoa dena
eta begiak itxita irudi bat ikusiko duzu
erantz ezazu irudi hori
eta edertasunaren arnasak beteko zaitu
soil ezazu ederraren arnasa
eta bizia sentituko duzu taupaka
Aitor Arruti Rezabal