Gaur hasiko da IPAKA Izarraizpeko aniztasun kulturalaren astea, Intsausti parkean 21:00etan egingo den ilargipeko irakurketarekin.
Hona hemen IPAKAko kartela Azkoitian hitz egiten diren beste hiru hizkuntzatan, Auzoko programaren barruan landuta.
Lehenengoa fula hizkuntzan dago. Senegaleko hizkuntza ofiziala ez den arren, Azkoitiko senegaldarren etniako hizkuntza da, beraien artean mintzatzeko erabiltzen dutena.
Bigarrena urdu hizkuntzan dago. Pakistango zenbait hizkuntzaren fusioz osatutako hizkuntza ofiziala da.
Eta, bukatzeko, arabiera hizkuntzan dago hirugarrena. Marokiarrek, aljeriarrek eta sahararrek hitz egiten dute, baina bakoitzak bere dialektoan.