KOADERNO BERDEKO POSTALAK-25
Zerbait erostera zoazenean,
gehienetan plastikoa hartuta irtengo zara dendatik.
Plastikozko zabor piloa osatuko zaizu
erosketa handi samarra egin duzun bakoitzean.
Plastikozko poltsetan sartuko duzu plastikoa,
plastikozko edukiontzi horira botatzeko.
Plastikozko hondarrak ikusiko dituzu
erreka bazterretan, basamortuetan, mendi gainetan.
Plastikozkoa da gure itsasoetan igerian dabilen
zortzigarren kontinente hilgarria.
Plastikoarekin bildutako bizimodua
ez da izakiontzako bizimodu.
Plastikoak ito egiten du arnasa,
hil egiten ditu izakiak.
Plastikoa aukeratu beharra al dugu
gure aldarrikapenak aireratzeko ikur?
Plastikotan bildua al da
bizi nahi dugun oraina, eraiki nahi dugun geroa?
Plastikozkoa al da
gure ondorengoei utzi nahi diegun ondarea?
Aitor Arruti Rezabal