Azoka asteburuan
Gabonak ia ate joka ditugula, asteburu honetan izango da Durangoko azoka. Hara hemen gure gomendio sorta partikularra:
LIBURUAK
Egilea: Maite Gurrutxaga, Dejabu Panpin Laborategia.
Argitaletxea: Txalaparta.
Sinopsia: Simon eta Selmaren deserrotzearen historia dakarkigu Gurrutxagak. Simon zaharrak baserria galdu du, Abiadura Handiko Trena bere lurretatik pasako delako, eta, Selma erizaina ezagutuko du, Balkanetako gerra atzean utzita, Euskal Herrira iritsitako bosniarra. Hortik aurrera, bidea nolabait elkarrekin egingo duten lurrik gabeko bi lagunen harreman zailean barna garamatza egileak.
Azken afaria
Egilea: Xabier Montoia
Argitaletxea: Susa.
Sinopsia: Lau gizonezko elkartu dira Bilboko txoko batean. Gaztetan elkarrekin zuzenbidea ikasitakoak laurak, abokatuak dira haietako bi, idazlea bat eta politikoa laugarrena. Lehenaldira begira jarrita, harrigarria iruditu zaie izan ziren hura zertan geratu den konturatuta.
UMEENTZAKO JOKOA
Zer gara gu, nor gara gu
Euskal Herriko kulturako oinarrizko gaiak ikasteko galdera-erantzunen jokoa da. 4 karta sorta, jokatzeko taula eta 6 fitxa eta dadoa ditu osagai. Karta bakoitzak galderei dagokien argazki bana dauka: mendia, ibaia, pertsonaia, herria, artelana, eliza, jaia. Galderen erantzun okerrak astakeria hutsak edo ateraldi barregarriak dira. Horrela, erantzun zuzena aukeratzeko, ez dago zalantzarik, eta benetako datua, jolastuz ikasiko da.
DVD-A
Euskara Jendea: gure hizkuntzaren historia, gure historiaren hizkuntza, Ibaizabal-Mendebalde eta Zenbat Gara kultura elkarteek ekoitzitako dokumental-sorta da eta Xamarrek argitaratutako izenburu bereko liburua du abiapuntu, 40-50 minutuko sei atalek osatzen duten dibulgaziozko lan honen bidez publiko zabal bati aurkeztu nahi zaio euskararen eta bere herriaren historia.
MUSIKA