Javier Beristain / Urolaren iturburua-1
Aizkorri magalean jaiotzen dira gu bizi garen bailara urtez urte, mendez mende, zizelkatu duten urak.
Javier Beristain / Urolaren iturburua-2
Aizkorri magalean, han-hemen agertzen diren errekastoetako urak txirikordatuz bezala egiten dute bat elkarrekin topo egin orduko.
Javier Beristain / Urolaren iturburua-3
Jatorrizko erreka horietako bat Artzanburu izenez ezagutzen da, eta, Barrendiola errekarekin bat eginda, gero Barrendiola urtegira isurtzen ditu bere urak Brinkolan.
Javier Beristain / Urolaren iturburua-4
Brinkolan bertan beste erreka batzuekin elkartzen dira ur horiek, eta Urola izena hartzen du une horretatik aurrera.
Javier Beristain / Urolaren iturburua-5
Gipuzkoa hegoaldetik iparraldera zeharkatu eta gero, Zumaian itsasoratzen da Urola.
Javier Beristain / Urolaren iturburua-6
Eta bere ibilbidean bizi-arnasa hedatzen du aspaldi handian uraren indarrez ebaki zuen bailara osoan.
Javier Beristain