KOADERNO BERDEKO POSTALAK-13
Xoxote, 2013ko urriaren 27a
Hara hor bi lagun, ttipi-ttapa, pauso lasaian aldapan gora.
Aspaldiko partez erdiko hatzak zuritu zaizkio andre gazteari, udazkeneko haize zakarraren eraginez, seguru asko.
Etengabe hizketan ari zaio ondoren doakion mutikoa, hitz eginez joanez gero ama hurbilago sentitu ahal balu bezala.
Hara hor bi lagun, ttipi-ttapa, pauso lasaian aldapan gora, nire biziaren gurpilari eraginez.
Aitor Arruti Rezabal