Tenerife, Costa Adeje
ABERASKUMEON UDA
Madarikazioak auto geldietan
erre beharreko eguzki galdatan.
Zorion ttantta urri laburrak
garestiegi erositako oporretan.
Harrapazka gorrituak estutasunean
hotel gainezkatuetako buffetetan.
Arnasari ahalegin betean eutsiz
tripa ezkutatu nahia hondartzetan.
Berehala ahaztuko diren zenbat bisita,
kameraren objektibo zulotik bizita?
Olio lurrintsutan frijitutako azalak
auzokoaren zuritasunean hobetsita.
Aberats berrion mozkorraldi motzegia
urte osoan miseriaren ajean ereinda.
Aitor Arruti Rezabal
2006ko abuztua