2018ko Anton Abbadia saria Ahotsak.eus —Euskal Herriko hizkerak eta ahozko ondarea— proiektuarentzat da. Garbiñe Mendizabal Gipuzkoako Hizkuntza Berdintasuneko zuzendariak honela arrazoitu zuen saria: «Euskal Herri guztiko eta euskalki guztietako ahozko testigantzak etengabe jaso eta eskumen librean jartzen dituzte sarean», adierazi zuen.
Azkoitiko Udalak eta Badihardugu euskara elkarteak hitzarmena izenpetu zuten 2008. urtean herriko hizkera eta ahozko ondarea biltzeko. Proiektuaren barruan herriko 53 lagun elkarrizketatu eta grabatuak dituzte bideoz Azkoitiko hizkera eta ahozko ondarea biltzeko. Horrez gainera, lehendik eginda zeuden beste hainbat grabazio ere jaso, digitalizatu eta landuak dituzte.
Azaroaren 30ean, sanandres egunean izango da sari banaketa eta proiektuaren hamabost urteko ibilbidea sarituko dute. Orain arte 5.700 pertsona baino gehiagoren testigantzak jaso dituzte, 350 herritan, eta tartean, Azkoitiko 53 herritarrenak ikus daitezke.
Aintzane Agirrebeña Azkoitiko bizilaguna, proiektuko kide
Aintzane Agirrebeña Badihardugu elkarteko kide da, eta pare bat galdera luzatu dizkiogu, saria irabazi berritan:
Nola jaso duzu saria?