Sudupek 1983an irabazi zuen aurreneko saria, Euskaltzaindiaren saiakera saria, Karl Marx: Teoria eta politika lanari esker. 1990ean Irun Hiria saria eskuratu zuen. Handik lau urtera, Eusko Jaurlaritzak antolatutako Jon Mirande sariaren jabe egin zen Ilustrazioaren kriseilupean. Argi berri bila Fransfurten lanari esker. 1996an Irun Hiria saria irabazi zuen berriro, Muniberen ametsa: euskaltasuna eta modernitatea liburuarekin. Ondoren, Euskaldunak, liberalak eta komunitatezaleak (1998) saiakera publikatu zuen. Eta Kant hil zela berrehun urte bete zirenean, Kant eta uso arina (2003) plazaratu zuen.
2007an, Chomskyren gramatika sortzailea eta Habermasen pragmatika unibertsala lotu nahi izan zituen Hizkuntza ados jartzeko da izeneko lanean. 2013an, Sapere aude. Erlijiotik etikara kaleratu zuen, erlijiorik gabeko etika laiko baten defentsa eginez.